Կունդալինին Աստծային սիրո հավերժական ուժի արտացոլումն է, որը ողջ արարչագործության աղբյուրն է։ Այն մտածում, հասկանում, համակարգում, փոխազդում և զարգացնում է ամեն ինչ ներդաշնակ կարգով՝ սկսած ամենափոքր ատոմային մասնիկներից մինչև միաբջիջ կյանքի ձևերը։Հին ժամանակներում Կունդալինիի գոյությունն ու զորությունը սրբազան գիտելիք էր, որը հազարավոր տարիներ շարունակ փոխանցվում էր ուսուցչից աշակերտին: Կունդալինիի մասին իմացող հոգևոր գուրուներն իրենց նվիրյալներին առաջնորդում էին անցնել տարիների խիստ պրակտիկաների և խիստ ապաշխարությունների միջով՝ Կունդալինիի արթնացմանը հասնելու համար: Սակայն դա քչերին է հաջողվել: Ժամանակակից պայմաններում Սահաջա Յոգայի հիմնադիր Շրի Մատաջի Նիրմալա Դևին այս արթնացումը հնարավոր է դարձրել յուրաքանչյուրի համար, ով ցանկանում է ստանալ իր ինքնագիտակցումը: Այն չի կարող պարտադրվել որևէ մեկին, Կունդալինիի արթնացման բանալին մաքուր ցանկությունն է։ Կունդալինին նկարագրվել է բազում սրբերի կողմից, ինչպիսիք են Շրի Ադի Շանկարաչարյան (մոտ 600 թ.), Կաբիրը (մոտ 1500 թ.) և Գնանադևան (մոտ 1200 թ.), աշխարհահռճակ փիլիսոփաներ Լաո Ցզեն (մթա 6-րդ դար), Կոնֆուցիոսը (մթա 5-րդ դար), Սոկրատեսը (մթա 4-րդ դար), աշխարհահռչակ պոետ, նկարիչ Ուիլյամ Բլեյքը  (1757-1827 թթ.) և այլ աշխահահռչակ մտավորականներ, արվեստագետներ։

Շրի Մատաջին տարրալուծեց Կունդալինիի արթնացման վտանգների կամ վնասի վերաբերյալ բազմաթիվ սխալ պատկերացումներ: Նա հստակ համեմատություն անցկացրեց Կունդալինիի և մեր բնածին հոգևոր մոր միջև, որը մեզ ուղեկցում է մեր կյանքի ճանապարհին՝ բազմաթիվ ծնունդների միջոցով և համբերատար սպասում է, որ մենք ցանկանանք ինքնաճանաչում: Երկրի վրա ոչ մի կենդանատեսակի մեջ մայրը երբեք չի վնասում իր երեխային: Ընդհակառակը, մայրն է, որ պաշտպանում, սնուցում և աջակցում է երեխային, որպեսզի այն կարողանա լիովին զարգացնել իր էվոլյուցիոն ներուժը: